არეულობის გამო მალდივის პრეზიდენტი გადადგა

„მე არ ვაპირებ ქვეყნის რკინის ხელებით მართვას, უმჯობესი იქნება ასეთ დროს გადავდგე“ მოჰამედ ნაშიდმა ეს განცხადება გადადგომის წინ გააკეთა. მალდივებზე დემონსტრაციები და პოლიციელების ბუნტი რამდენიმე კვირა გრძელდება. სიტუაცია მას შემდეგ დაიძაბა, რაც მალდივის არმიამ კრიმინალური სასამართლოს უმაღლესი მოსამართლე აბდულა მოჰამედი გასულ თვეს დააპატიმრა. მანამდე მოსამართლემ მთავრობის მიერ დაკავებული ოპოზიციონერი გაათავისუფლა, რადგან დაპატიმრება ორდერის გარეშე მოხდა. დემონსტრაციების დასაშლელად მთავრობამ არმია გამოიყენა. ჯარისკაცებმა აქცია ცრემლსადენი გაზითა და რეზინის ტყვიებით დაშალეს. ჯარს პოლიცია დაუპირისპირდა და ორშაბათს 50მდე პოლიციელმა სახელმწიფო ტელევიზიის შენობა დაიკავა. ამბოხებულმა პოლიციელებმა დაუმორჩილებლობა გამოაცხადეს და მხარდაჭერა ყოფილ პრეზიდენტს, მაუმუდ აბდულ გაიუმს გამოუცხადეს, რომელიც 30 წელი მართავდა ქვეყანას. მოჰამედ ნაშიდი კი ყოფილი ადამიანის უფლებების დამცველია და ის 2008 წელს გახდა პრეზიდენტი. ნაშიდი ცნობილია, როგორც აქტიური გარემოსდამცველი, რომელიც კლიმატური ცვლილების წინააღმდეგ იბძოდა, მალდივის არქიპელაგებს ზღვის დონის აწევის შემთხვევაში საფრთხე ემუქრება.

 

წყარო: ბიბისი

http://www.bbc.co.uk/news/world-asia-16922570?print=true