პატარა ომი პუტინისათვის დნესტრისპირეთში

მოლდოვური პრესა რუსეთთან შესაძლო ომის შესახებ ალაპარაკდა. კიშინოვსა და მოსკოვს შორის ურთიერთობა, მას შემდეგ დაიძაბა, რაც მოლდოვაში რუსეთის ელჩი ვალერი კუზმინი ტყუილში ამხილეს. მოლდოვური „ჟურნალ დე ჩინსასაუ“ კიშინოვიდან ელჩის გაძევებას პროგნოზირებს. მიზეზი ვალერი კუზმინის კომენტარია, რომელიც რუსი სამშვიდობოს მიერ მოკლული მოლდოვის მოქალაქეს უკავშირდება. რუსეთის ელჩის განცხადებით, ვალუდ-ლუი-ვოდეს ხიდზე მოკლული ახალგაზრდა მოლდოველი მთვრალი იყო და ავტომობილით დიდი სისწრაფით მოძრაობდა ნებართვის გარეშე. კუზმინის ამ განცხადებას, მოლდოვური პრესა უსირცხვილო ტყუილს უწოდებს. „ჟურნალ დე ჩინსასაუ“ მიმოიხილავს გენერალ კულახმეტოვის გახშირებულ ვიზიტებს დნესტრისპირეთის დედაქალაქ ტირასპოლში. კულახმეტოვი რუსეთის საგარეო საქმეთა მინისტრის მრჩეველია სამშვიდობო მისიებში. „ტირასპოლის მისიამდე კულახმეტოვი რუსეთის სამშვიდობო ძალების სარდალი იყო სამხრეთ ოსეთში, სადაც 2008 წელს პროვოკაციული მოქმედებების შედეგად რუსეთ-საქართველოს ომის გაღვივებაში მნიშვნელოვანი როლი შეასრულა. ეს ყველაფერი ერთად აღებული ამყარებს ჩვენს მოსაზრებას, რომ ვადულ-ლუი-ვოდეს ხიდზე მომხდარი ინციდენტი შორსმიმავალ შედეგზეა გათვლილი.“ ვკითხულობთ გამოცემაში. ვლადიმერ პუტინს საკუთარი მოწინააღმდეგეების პირას დასახშობად (რომელებიც ბოლოპერიოდში სოკოსავით მომრავლდნენ) დასჭირდება პატარა, ელვისებური და ტრიუმფალური ომი, სად შეიძლება მოხდეს? სუსტი რგოლი დნესტრისპირეთის გაყინული კონფლიქტია. მოკლე და სწრაფი ინტერვენცია, ქართული „შაბლონი“-ს გამოყენებით, რომ მოლდოვის აღმოსავლეთ ნაწილში „მშვიდობა დამყარდეს“ ერთიმხრივ ეს გაამართლებს რეგიონში რუსეთის არმიის სამარადისო ყოფნას გაამართლებს, მეორემხირვ, პუტინი საპრეზიდენტო არჩევნების წინ კუნთებს აათამაშებს.“ უფრო ვრცლად იხილეთ სტატია „ახალი მოლდოვა“-ს ვებრგვერდზე.

http://www.moldovanova.md/ru/comments/show/714/

პრინცი უილიამი ფოლკლენდის კუნძულებზე

პრინცის გამგზავრებასთან დაკავშირებით დისკუსია თვეების განმავლობაში მიმდინარეობდა, თუმცა საბოლოოდ ის ფოკლკლენდის კუნძულებზე გასულ კვირას ჩავიდა. უილიამი სამეფო ოჯახის პირველი წევრია, რომელიც ბოლო 5 წელიწადში ფოლკლენდს ესტუმრა.

ფოლკლენდზე უილიამსის სამუშაო ვერტმფრენით კუნძულების პატრულირება იქნება. მფრინავ-ლეიტენანტი პრინცი 6 კვირა დარჩება და თავდაცვის სამინისტროს გეგმიურ სამუშაოს შეასრულებს. მაგრამ აშკარაა, რომ კუნძულზე უილიამის სამუშაო პროცესში გადაღებული ფოტო სწორედ მაშინ გამოჩნდა, როცა დიდ ბრიტანეთსა და არგენტინას შორის უკიდურესად დაიძაბა ურთიერთობა. სამეფო საზღვაო ძალებმა ფოლკლენდის მიმართულებით ყველაზე თანამედროვე სამხედრო ხომალდები გადაისროლეს. ბრიტანეთის პრემიერმინისტრმა დევიდ კამერონმა, პირადკონტროლზე აიყვანა რეგიონის წყლებში პატრულირებაზე მყოფი ბირთვული წყალქვეშანავი, რომელიც ფრთოსანი რაკეტებით არის აღჭურვილი და არგენტინის შეიარაღებული ძალების წინააღმდეგაა მიმართული. ფოლკლენდის კუნძულებზე პრინცი უილიამის გამოჩენას არგენტინაში დიდი ბრიტანეთის დროშების დაწვა მოჰყვა. დაძაბულობა მატულობს, აპრილში 30 წლისთავია არგენტინის მიერ ფოლკლენდის კუნძულების 74 დღიანი ოკუპაციისა. უფრ ვრცლად ნახეთ სტატია ტელეგრაფში.