Posts tagged ‘სამხედრო საჰაერო ძალები’
რას მოგვიტანს სამხედრო-საჰაერო ძალების გაუქმება?!
თითოეულ ქვეით ბრიგადაზე 3-4 შვეულმფრენის გადანაწილებას აპირებენო…
ირაკლი ალადაშვილი
აგვისტოს ომამდე საქართველოს შეიარაღებული ძალები, მსოფლიოს უმეტესი ქვეყნების მსგავსად, სამი კომპონენტისგან შედგებოდა: სახმელეთო ჯარები, სამხედრო-საზღვაო და სამხედრო-საჰაერო ძალები.
რუსეთთან ომის შემდეგ საქართველოს ხელისუფლებამ გააუქმა სამხედრო-საზღვაო ძალები და ის სტრუქტურულად შსს-ს სასაზღვრო პოლიციის სანაპირო დაცვას გადასცა.
ზოგმა ეს გადაწყვეტილება იმით ახსნა, რომ აგვისტოს რამდენიმედღიანი ომის პერიოდში ქართულმა სამხედრო-საზღვაო ფლოტმა ვერც თავი გამოიჩინა, საკუთარი ბაზაც ვერ დაიცვა ფოთში და რამდენიმე კატარღაც მოწინააღმდეგის სადაზვერვო-სადივერსიო ჯგუფს ასაფეთქებლად დაუტოვა.
საზღვაო ძალებისგან განსხვავებით, ქართულმა სამხედრო ავიაციამ აგვისტოს ომში რამდენიმე საბრძოლო დავალება შეასრულა. Су-25 ტიპის ოთხმა მოიერიშემ ერთხელ დაბომბა ჯავა-ცხინვალის გზაზე მიმავალი რუსული ჯავშანკოლონა, ხოლო Ми-24 საბრძოლო შვეულმფრენების ჯგუფმა ოთხი საბრძოლო გაფრენა შეასრულა, ორჯერ საჰაერო დარტყმა მიაყენა მოწინააღმდეგის სახმელეთო მიზნებს.
სამხედრო ჟურნალისტთა საერთაშორისო ასოციაცია 