Posts tagged ‘უპილოტოები’
ათი რამ, რაც უპილოტო საფრენი აპარატის შესახებ არ ვიცოდით
1)
პირველი შეიარაღებული უპილოტო საფრენი აპარატი ოსამა ბინ ლადენის დასაკავებლად შეიქმნა
1998 წელს შეერთენული შტატების პრეზიდენტმა, ბილ კლინტონმა შეაჩერა ოპერაცია, რომლის მიზანი ავღანეთში, ბალისტიკური რაკეტების გამოყენებით ალ-ქაიდას ლიდერის ლიკვიდაცია იყო. რაკეტების გაშევებას მანამდე 300 ზე მეტი ადამიანის სიცოცხე შეეწირა, ამ ოპერაციის დროს დაზვერვითი ინფორმაციის მხოლოდ 50% იყო კონფიდენციალური. ამ შემთხვევის შემდეგ პენტაგონმა ახალი ალტერნატივის ძიება დაიწყო, რათა იერიშები ზუსტი ყოფილიყო. 2000 და 2001 წლებში შეერთებული შტატების საჰაერო ძალებმა ტანკსაწინააღმდეგო რაკეტების კონფიგურაცია მოახდინეს და რაკეტები უპილოტო დაზვერვით საფრენ აპარატს მოარგეს. საფრენი აპარატის გამოყენებით პირველი ცნობილი სალიკვიდაციო ოპერაცია 2001 წლის ნოემბერში ჩატარდა, როდესაც ალ-ქაიდას ერთერთი უმაღლესი სამხედრო მეთაური მოჰამედ ათეფი გაანადგურეს.
2)
უპილოტო საფრენმა აპარატმა RQ-170 გასული წლის დეკემბერში ირანში კატასტროფა განიცადა. შეერთებული შტატების ოფიციალურმა პირებმა მიზეზად აპარატის კოდების და მონაცემების გაქრობა დაასახელეს. ორი კვირის შემდეგ უპილოტო შეუიარაღებელი აპარატი სეიშელის კუნძულების ასაფრენ ბილიკზე ჩამოვარდა. თუმცა ამ შემთხვევებს შეერთებული შტატების ოფიციალური პირები მოულოდნელობად არ მიიჩნევებ, რადგან ამერიკამ უკვე 50ზე მეტი უპილოტო აპარატი დაკარგა. 2010 წლის მონაცემებით, საჰაერო ძალების 79 უპილოტო თვითმფრინავს მოუვიდა ავარია. თითოეულის ფასი ერთი მილიონი დოლარია. კატასტროფის მიზეზად ცუდი ამინდი, საკომუნიკაციო კავშირების გათიშვა და სამხედროების დაშვებული შეცდომები დასახელდა. საჰაერო ძალების გენერლის, სარდლის ყოფილი მოადგილის, დევიდ დეპტულას განცხადებით: „ზოგიერთი უპილოტო თვითმფრინავი, რომელსაც ახლა ვიყენებთ გარემოსთვის ძალიან საშიშია, რადგან ის შეიძლება ციდან წვიმასავით ჩამოცვივდეს.“
3)
შეერთებული შტატების ფედერალური ავიაციის ადმინისტრაციის ინფორმაციით, უპილოტო საფრენი აპარატების 35% პენტაგონს, 11% ნასას, 5% უსაფრთხოების სამსახურს ეკუთვნის. უპილოტო აპარატებით არის აღჭურვილი საბაჟო და სასაზღვრო დეპარტამენტი. უპილოტო საფრენი აპარატების დახმარებით გასულ წელს აშშ-კანადის საზღვარზე 3 ამერიკის მოქალაქე დააკავეს, რომლებიც ჩრდილოეთ დაკოტაში მსხვილფეხა საქონლის ქურდობაში არიან ეჭვმიტანილები.