საქართველო ავღანეთში სამხედრო კონტიგენტს ზრდის

March 23, 2012 at 2:20 pm Leave a comment

http://foreignpress.ge

მოლი კორსო

 

მიუხედავად იმისა, რომ ნატოს ზოგიერთი წევრი ავღანეთში ალიანსის მიერ მისიის გაგრძელების საკითხს ნეგატიურად აღიქვამს, საქართველო ძველებურად განუხრელად იცავს აღებულ ვალდებულებას და მალე კოალიციაში ნატოს არაწევრ სახელმწიფოებს შორის სამხედრო კონტიგენტის მოცულობით ლიდერი გახდება.

 

და მართალია ავღანეთში ქართული კონტიგენტის ყოფნაზე პრეზიდენტ სააკაშვილი აქტიურად საუბრობს, თუმცა თბილისი დიდად არ ცდილობს ქვეყნის შიგნით ამ საკითხზე საჯარო დისკუსებში ჩართვას. ზოგიერთი ექსპერტის თქმით, მსგავსი დუმილი მთავრობის მხრიდან საბოლოო ჯამში შესაძლოა ნეგატიურად აისახოს ქვეყნის ნატოში გაწევრიანების ძალისხმევაზე.

 

პრეზიდენტი სააკაშვილი მუდმივად თანხმდებოდა იმ ქართველი სამხედროების კონტიგენტის გაზრდას, რომლებსაც ავღანეთში უსაფრთხოების მხარდაჭერის საერთაშორისო ძალების (ISAF) შემადგენლობაში მონაწილეობისთვის აგზავნიან. მეტიც, ამ ყველაფრის გარდა, სააკაშვილმა პირობა დადო, რომ ბოლო წუთამდე ნატოს გვერდით იქნება. საქართველოს სამხედრო კონტიგენტის ყოფნა ავღანეთში დიდწილად ასახავს თბილისის თავგანწირულ შემართებას გახდეს ჩრდილოატლანტიკური ორგანიზაციის სრულუფლებიანი წევრი.

 

2013 წლისთვის საქართველო ავღანეთში თავისი კონტიგენტის რიცხოვნების 1685 სამხედრომდე გაზრდას გეგმავს – და ეს რიცხვი არ გამოპარვია როგორც უმაღლეს სამხედრო სარდლობას ვაშინგტონში, ასევე არც ნატოს შტაბ-ბინას ბრიუსელში. არსებული ინფორმაციით, ამ მომენტისთვის განაღმვითი სამუშაოებით, გზების დაცვითა და ბოევიკებთან ბრძოლით ავღანეთის სამხრეთში, ჰელმანდის პროვინციაში 940 ქართველი სამხედროა დაკავებული. გაზრდილი კონტიგენტის გაგზავნა ავღანეთში უკვე მარტის ბოლოსთვის იგეგმება.

 

ისეთ მზადყოფნას, როგორსაც საქართველო ავლენს შეუერთდეს მისიას „ყოველგვარი დათქმების გარეშე“ (უფრო ზუსტად ქართველმა სამხედროებმა მონაწილეობა მიიღონ ნებისმიერ აუცილებელ ოპერაციებში) „ვერ შეხვდებით ჩვენი მოკავშირეების უმრავლესობაშიც კი“, აცხადებს ნატოს ოფიცერი ამიერკავკასიაში უილიამ ლაჰიუ. საქართველოს წვლილი, ამ ქვეყანას შეერთებული შტატებისა და მთელი ალიანსისთვის „ძალიან ფასეულ“ პარტნიორად აქცევს, დასძენს იგი.

 

აშშ-ს სამხედრო ატაშე თბილისში, პოლკოვნიკი ჯეფ ჰარტმანი ამ აზრს იზიარებს. „ჩემი აზრით, ეს ნატოს ერთ-ერთი ყველაზე მთავარი საჭიროების დემონსტრირებას ახდენს – სამხედრო ძლიერების გაზრდის შესაძლებლობას, საკუთარი საზღვრების მიღმა ექსპედიციური სამხედრო მოქმედებების წარმოებისთვის ქვეითი ბატალიონების შექმნის შესაძლებლობას“.

 

საქართველოს მონაწილეობა ავღანეთის კამპანიაში, რასაც ნატოს სარდლობა ძალიან აფასებს, ფაქტიურად შეუმჩნეველი ხდება საქართველოს მოსახლეობის უმრავლესობისთვის ქვეყნის შიგნით. დებატები საქართველოს როლზე ამ ომში დიდწილად არ იმართება, ამბობს ჟურნალისტი გიორგი ცხვიტავა, რომელიც სამხედრო თემებზე მუშაობს. ინფორმაცია სამხედრო მოქმედებებში მოკლულ ან დაჭრილ სამხედროებზე იშვიათად ქვეყნდება. მაგალითად, ფაქტობრივად არაფერია ცნობილი იმ 15 სამხედროზე, რომელიც ავღანეთში დაიღუპა მას შემდეგ, რაც 2004 წელს საქართველოს მისიას შეუერთდა.

 

„ამ ბიჭებმა, ამ სამხედროებმა, უზარმაზარი წვლილი შეიტანეს ჩვენი ქვეყნის უსაფრთხოების საქმეში… მაგრამ სიტყვაც არავის უთქვამს. ვფიქრობ, ეს არასწორი პოლიტიკაა, რადგან ადამიანებს უნდა ავუხსნათ, რას ვაკეთებთ ავღანეთში“, – ამბობს ჟურნალისტი. ვაშინგტონის Freedom House-მა მედიის თავისუფლებაზე 2011 წლის ანგარიშში, საქართველო „ნახევრად თავისუფალი“ ქვეყნების ჩამონათვალში შეიყვანა.

თუკი არსებობს რაიმე წინააღმდეგობა საქართველოს ნატოში გაწევრიანების საკითხზე, ის ძალიან უმნიშვნელოა. რადგან, მაგალითად 2010 წელს კავკასიის კვლევითი რესურსების ცენტრის მიერ ჩატარებული გამოკითხვის თანახმად, 2089 რესპონდენტიდან ავღანეთში სამხედრო კონტიგენტის გაგზავნა მხოლოდ 4%-მა გააპროტესტა. ამ ნაბიჯისადმი მაღალი მხარდაჭერა გიორგი ცხვიტავას აკვირვებს „რატომ არ აწვდის მთავრობა მოსახლეობას, საკუთარ მოქალაქეებს, შესაბამისს ინფორმაციას“.

 

საქართველოს თავდაცვის სამინისტრომ მთელი თვის განმავლობაში არ უპასუხა EurasiaNet.org -ის თხოვნას ინტერვიუზე საქართველოს მონაწილეობის შესახებ ISAF-ის მუშაობაში.

 

ამ კვირაში, პროსამთავრობო ყოველკვირეული ჟურნალის „ტაბულა“-ს გარეკნზე კავკასიასა და ცენტრალურ აზიაში ნატოს სპეციალური წარმომადგენლის ჯეიმს აპატურაის ფოტო გამოქვეყნდა, მაგრამ ამ ინტერვიუში ის ავღანეთში მისიის საქმიანობის დეტალებს არ განიხილავს. „ქვეყნისთვის ძალიან მნიშვნელოვანია იმის დემონსტრირება, რომ არსებობს არამხოლოდ პრობლემა, არამედ ამ პრობლემის გადაწყვეტის შესაძლებლობაც, და ამ მისიაში საქართველო სწორედ ამას აკეთებს“, – განაცხადა მან.

 

საქართველოს ავღანეთის სამხედრო მოქმედებებში მონაწილეობაზე დებატების არ არსებობა ყურადღებას ამახვილებს იმ დაბრკოლებებზე, რაც ნატოში გაწევრიანებაზე თბილისის განაცხადს უკავშირდება, აცხადებს კოლუმბიის უნივერსიტეტის ჰარიმანის ინსტიტუტის დოცენტი ლინკოლნ მიტჩელი. „როგორი პარადოქსულიც არ უნდა იყოს, ცოცხალი დისკუსია საზოგადოებაში ისეთ საკითხებზე, როგორიცაა უნდა გაწევრიანდეს თუ არა საქართველო ნატოში და საჭიროა თუ არა საქართველომ მხარი დაუჭიროს სამხედრო მოქმედებებს ავღანეთში… იმაზე მეტად შეუწყობდა ხელს ამ ქვეყანას ნატოში გაწევრიანების საქმეში, ვიდრე მედიის ასეთი ჩახშობა და სამხედრო კონტიგენტის გაგზავნა“, – აღნიშნავს იგი.

 

ოპოზიციის ორ ლიდერს – ერთი ციდა პარტიის „თავისუფალი საქართველოს“ ლიდერ კახა კუკავას და ლეიბორისტული პარტიის თავმჯდომარე შალვა ნათელაშვილს – სურთ კამპანიის შემობრუნება საქართველოს ნატოში გაწევრიანების გეგმის და ავღანეთში ყოფნის წინააღმდეგ, მაგრამ ჯერ-ჯერობით მათი მცდელობა საქართველოს მედიასივრცეში ისეთივეა, როგორც ზღვაში წვეთი.

 

როგორც ჩანს, სააკაშვილი მიდრეკილია იმისკენ, რომ ყველა, ვინც ეჭქვეშ აყენებს საქართველოს როლს ISAF-ის მუშაობაში, არაპატრიოტულ ძალებად მონათლოს. „ყველა, ვინც საუბრობს ქართული კონტიგენტის ავღანეთიდან გამოყვანაზე და იმავდროულად თავს ნატოს და ევროკავშირის მხარდამჭერს უწოდებს, სინამდვილეში პუტინის [რუსეთის პრემიერ-მინისტრის] და რუსეთის ლაქიაა“, – განაცხადა მან თავის გამოსვლაში 26 თებერვალს.

 

„თუკი ჩვენ გვსურს გვქონდეს სახელმწიფო, მაშინ არმიაც უნდა გვყავდეს. ხოლო არმია თუ გვინდა, მონაწილეობა უნდა მივიღოთ საერთაშორისო სამხედრო მისიებში, როგორი მძიმეც არ უნდა იყოს ეს“, – დასძინა სააკაშვილმა.

 

ნატოს ოფიცერმა ლაჰიუმ აღნიშნა, რომ იგი მუშაობს საქართველოს თავდაცვის სამინისტროს საზოგადოებასთან ურთიერთობის დეპარტამენტთან ავღანეთის მისიაში მუშაობაზე მოსახლეობის ინფორმირების საკითხთან დაკავშირებით, თუმცა დეტალებზე არ ისაუბრა. „რთულია ყველაფრის ერთდროულად კეთება, ხოლო გაუმჭვირვალობა საბჭოთა მემკვიდრეობაა“, – აღნიშნა მან.

 

საბოლოო ჯამში არც ქართული კონტიგენტის მოცულობა ISAF-ში და არც ის, რომ არ არსებობს ამ საკითხის განხილვის სურვილი, არ გახდება საქართველოს ნატოში გაწევრიანებაზე განაცხადისთვის განმსაზღვრელი ფაქტორი, აცხადებს ჯონ ჩიკი, ვაშინგტონში ეროვნული სამხედრო კოლეჯის პროფესორი და აშშ-ს თავდაცვის მინისტრის ევრაზიის და შავიზღვის რეგიონის პოლიტიკის საკითხებში ყოფილი დირექტორი.

 

„ეს უფრო დაკავშირებულია ნატოს შიდა საკითხებთან და ყველა სახელმწიფოს მეთაურის დასარწმუნებლად ხელსაყრელი მომენტის არჩევასთან“, – ამბობს იგი. „თავად საქართველოს ეს დიდად არ ეხება“.

Entry filed under: საქართველო - NATO. Tags: .

აშშ–ის ელჩობის კანდიდატი: „აშშ საქართველოს M4 ტიპის ავტომატურ შაშხანებს მიყიდის“ მოსკოვი აშშ–საქართველოს სამხედრო თანამშრომლობაზე

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


1921

სასწრაფოდ

საქართველოს თავდაცვის სამინისტრო ღრმა მწუხარებას გამოთქვამს 1989 წლის 27 ოქტომბერს დაბადებულ კაპრალ მინდია თეიმურაზის ძე აბაშიძის გარდაცვალების გამო და სამძიმარს უცხადებს დაღუპულის ოჯახს. კაპრალი აბაშიძე ავღანეთის სამშვიდობო მისიის დროს საბრძოლო ამოცანის შესრულებისას გარდაიცვალა. კაპრალი მინდია თეიმურაზის ძე აბაშიძე შეიარაღებულ ძალებში 2008 წლის 4 აგვისტოდან მსახურობდა. იგი სახმელეთო ჯარების მესამე ქვეითი ბრიგადის 32 მსუბუქი ქვეითი ბატალიონის საცეცხლე ჯგუფის მეთაური იყო. ავღანეთის სამშვიდობო მისიაში მონაწილეობას იღებდა 2010 - 2011 წლებშიც. საქართველოს თავდაცვის სამინისტრო კიდევ ერთხელ უსამძიმრებს გარდაცვლილის ოჯახს. დაკრძალვასთან დაკავშირებულ საჭირო ყველა ხარჯს სამინისტრო დაფარავს.

გადადი ხსოვნის გვერდზე!

ლეიტენანტი მუხრან შუკვანი

პოლკოვნიკი რამაზ გოგიაშვილი

სერჟანტი დავით ცეცხლაძე

კაპრალი გიორგი კოლხიტაშვილი

კაპრალი ნუგზარ კალანდაძე

კაპრალი გიორგი ავალიანი

კაპრალი ვალერი ვერსკიანი

უმცროსი სერჟანტი ლავროსი ივანიაძე

რიგითი გია გოგუაძე

სერჟანტი რეზო ბერიძე

კაპრალი ბესიკ ნინიაშვილი

კაპრალი შალვა ფაილოძე

კაპრალი ვალიკო ბერაია

კაპრალი რუსლან მელაძე

კაპრალი პაატა კაჭარავა

საქართველოს ეროვნული უსაფრთხოების კონცეფცია

March 2012
M T W T F S S
« Feb   Apr »
 1234
567891011
12131415161718
19202122232425
262728293031  

Feeds

ღრუბელი

"მუხროვანის ამბოხება" 2008 წლის აგვისტო NATO ავია - კატასტროფა ავღ ავღანეთი აზერბაიჯანი ატომური განიარაღება აფეთქება აფხაზეთი ახალი ამბები ბარაკ ობამა ბაჩანა ქართველიშვილი ბირთვული იარაღი განცხადება გიორგი ავალიანი გიორგი მანჯავიძე გიორგი ცხვიტავა დაკრძალვა დახურული თავდაცვის სამინისტრო დერეფანი ნატოსთვის ვახტანგ კაპანაძე ვეტერანები ვეტერანების აქციის დაშლა ვიქტორ იანუკოვიჩი ზვიად თხელიძე თემურ ჩაჩანიძე თეონა აქუბარდია ინტერვიუ ირაკლი ალადაშვილი ირაკლი სესიაშვილი ირანი ისრაელი კატინი კობა კობალაძე კობა ლიკლიკაძე ლევან ამირიძე ლეხ კაჩინსკი ლილი ხეჩუაშვილი მამა იოსები (ესაკია) მამუკა გორგიაშვილი მედია და სამხედროები მისტრალი მოდელირებული ქრონიკა ოკუპირებული ტერიტორიების მიმართ სახელმწიფო სტრატეგია ომის განახლება რუსეთთან ოფიცრების დათხოვნა პირველი აღდგომა ავღანეთში პოლონელი ოფიცრები რეზერვი რუსული ბაზები საზენიტო - სარაკეტო კომპლექსები საქართველოში საკადრო ცვლილებები სამართალი და თავისუფლება სამუელ ჰანტიგტონი სამშვიდობო მისია სამხედროები და დემოკრატია სამხედრო ისტორია სამხედრო საჰაერო ძალები სამხედრო ფსიქოლოგია სანდრო იმერი საქართველოს - სამხედრო საზღვაო ძალები საქართველოს სამხედრო-საჰაერო ძალები საქართველოს შეიარაღებული ძალები საჩხერის სამთო მომზადების სკოლა სირია სმოლენსკი სტრესი ტრამვა უარი ნატოში გაწევრიანებაზე უკრაინა ფლოტი ქართული ჯარის შეურაცხყოფა შორენა ლორთქიფანიძე ცხინვალის რეგიონი

Recent Posts

საერთაშორისო ორგანიზაციები

ქართული ვებგვერდები

strate.ge

მთვლელები

free counters
wordpress visitor

%d bloggers like this: