აშშ რუსეთთან მიმართებაში ევროპაში ჩვეულებრივი შეიარაღების შესახებ შეთანხმებით გათვალისწინებულ გარკვეული ვალდებულებების შესრულებას წყვეტს.
November 23, 2011 at 7:19 am Leave a comment
ამის შესახებ აშშ-ს სახელმწიფო დეპარტამენტის ოფიციალურმა წარმომადგენელმა ვიქტორია ნულანდმა განაცხადა. მისი თქმით, ამის შესახებ ამერიკულმა მხარემ ევროპაში ჩვეულებრივი შეიარაღების შეთანხმების შესრულებაზე პარტნიორ მაკონტროლებელ ჯგუფს ვენაში უკვე აცნობა. ნულანდის განმარტებით, აშშ ნებაყოფილობით საფუძველზე შეატყობინებს რუსეთს ევროპაში ძალთა განლაგების შესახებ და მომავალში არ გამორიცხავს, იმავე ხელშეკრულებით ნაკისრი ვალდებულებების შესრულებას.
ნულანდის თქმით, აშშ 2007 წელს დათანხმდა რუსეთის მიერ იმავე ხელშეკრულებით ნაკისრი ვალდებულებების შეჩერებას. მისივე თქმით, მას შემდეგ აშშ და ნატო ოთხი წელი ცდილობდნენ შექმნილი ვითარებიდა დიპლომატიური გამოსავლის მოძებნას.
„აშშ კვლავაც შეასრულებს შეთანხმებით აღებულ ყველა ვალდებულებას რუსეთის გარდა სხვა მონაწილეების წინაშე, მათ შორის ისეთ საკითხებში, რომელიც ეხება ჩვეულებრივ შეიარაღების რაოდენობრვ შეზღუდვას. ჩვენ შეთანხმების სრულად შესრულებას მას შემდეგ დავიწყებთ, როცა რუსეთი აღადგენს ამავე შეთანხმებით აღებული ვალდებულებების შესრულებას“, – აღნიშნავს ვიქტორია ნულანდი.
მისივე განცხადებით, ევროპაში ტრანსფარენტულობის ამაღლების, სტაბილურობისა და ნდობის გაღმავებისთვის, აშშ-ს ნებაყოფილობით საფუძველზე შეატყობინებს რუსულ მხარეს ევროპაში ჩვეულებრივი შეიარაღების საკითხებში ნებისმიერ მნიშვნელოვან ცვლილებაზე, “_ ნათქვამია აშშ-ს სახელმწიფო დეპარტამენტის განცხადებაში.
ნულანდს არ დაუზუსტებია, კონკრეტულად რა ვალდებულებების შესრულებას წყვეტს აშშ რუსეთთან მიმართებაში.
2011 წლის 18 ნოემბერს ევროპაში ჩვეულებრი შეიარაღების შესახებ მიღწეულ შეთანხმებას 21 წელი შეუსრულდა.
ინტერპრესნიუსი
Entry filed under: NEWS.
Trackback this post | Subscribe to the comments via RSS Feed