Posts tagged ‘მამა იოსები (ესაკია)’
ქართველი სამხედროების პირველი აღდგომის დღესასწაული ავღანეთში
გიორგი მანჯავიძე
საქართველოს შეიარაღებული ძალების ასეული, ავღანეთის დედაქალაქ ქაბულში მეექვსე თვეა სამშვიდობო მისიას ასრულებენ.
მათთან იმყოფება მეორე ქვეითი ბრიგადის მოძღვარი მამა იოსებიც. 4 აპრილს, აღდგომას ჩვენი ჯარისკაცები ქაბულში შეხვდნენ. ავღანეთის მიწაზე პირველად ისტოპრიაში ქართული წირვა ლოცვა აღესრულა.
მორალური ღირებულებების დასაცავად არსებობს კანონები. მოსახლეობისა და ქვეყნის დასაცავად არმია და ხელისუფლება, ხოლო ერის სულიერებაზე ეკლესია ზრუნავს. მეომრის პატრიოტული სულიკვეთების განვითარებისა და გაძლიერების გარეშე ნებისმიერი არმია დამარცხებისთვისაა განწირული. საქართველოში მშვიდობიანობის დროსა თუ ბრძოლის წინ ამაზე ყოველთვის მეფები და სასულიერო პირები ზრუნავდნენ. ენის, მამულისა და სარწმუნოებისთვის ბრძოლაში ჯარს თან ყოველთვის მოძღვარი ახლდა.
ასე იყო 2008 წლის აგვისტოში რუსეთ-საქართველოს ომის დროსაც. ინტენსიური დაბომბვებისა და მტრის შეტევის დროს ქართველ ჯარისკაცებს გვერდით მათი მოძღვრები (კაპელანები) ედგნენ. სამხედრო მოძღვრები ქართველ ჯარისკაცებს სხვადასხვა სამშვიდობო ოპერაციების დროსაც თან ახლდნენ.