მოსალოდნელი გართულების შემთხვევაში ბაქომ შეიძლება ნატოს დახმარება თხოვოს

ირანის ბირთვული პროგრამის ირგვლივ შექმნილი დაძაბულობიდან გამომდინარე რეგიონში გართულებების და სამხედრო ოპერაციის შემთხვევაში ირანთან საზღვრის დასაცავად აზერბაიჯანმა შეიძლება ნატოს მიმართოს. ამის შესახებ სამხედრო ჟურნალისტთა კვლევის ცენტრ „დოქტრინა“-ში ისაუბრეს. ცენტრის ექსპერტების აზრით, ეს თანხმობაში მოდის, აზერბაიჯანის მიერ გაეროსთან რატიფიცირებულ პროტოკოლთან და ნატოსთან თანამშრომლობის ორმხრივ დოკუმენტთან. ბაქოსა და თეირანს შორის არსებული დღევანდელი ურთიერთობა, ეროვნული უსაფრთხოების მინისტრის ბოლო განცხადება, ისრაელში, აშშ-სა და დიდ ბრიტანეთში აზერბაიჯანის საელჩოების განცხადებები და ირანის უკანასკნელი ნოტა აჩვენებს, რომ სასაზღვრო უსაფრთხოების უზრუნველყოფა და ამ მიმართულებით საერთაშორისო ორგანიზაციებთან თანამშრომლობა აუცილებელია. ექსპერტების განცხადებით, დღეისათვის აზერბაიჯანმა გაეროს 13 კონვენციას და ევროპის 9 შეთანხმებას ხელი მოაწერა, რომელიც ტერორიზმთან ბრძოლას ეხება. აზერბაიჯანელი ექსპერტების განცხადებით, ეს და სხვა დოკუმენტები ბაქოს უფლებას აძლებს, რომ საერთაშორისო ორგანიზაციების, მათ შორის ნატოს ფარგლებში ირანთან საზღვრის მონაკვეთზე უსაფრთხოების ზომები გააძლიეროს. ამავდროულად წარმოიქმნა საჭიროება, რომ გაძლიერდეს კონტროლი სომხეთ-აზერბაიჯანის საზღვარსა და ოკუპირებულ აზერბაიჯანულ ტერიტორიებზე. დღეს საზღვრის უსაფრთხოებას და ანტიტერორისტულ საქმიანობას ერთობლივად: უშიშროების, შიგანსაქმეთა სამინისტროების და სახელწიფო საზღვრის სამსახური ახორციელებენ. ისინი თანამშრომლობენ საერთაშორისო ორგანიზაციებთან, ნატოს ჩათვლით.

მნიშვნელოვანი ის მოსაზრება, რომ აზერბაიჯანი ტერორიზმთან ბრძოლის სფეროში ნატოს რიგ ქვეყნებთან ერთად მოქმედებს. კერძოდ საუბარია, ტერორიზმის წინააღმდეგ სამხედრო პასუხის, ანტიტერორისტული წვრთნების გაუმჯობესების, დაზვერვითი მონაცემების გაცვლის, სასაზღვრო უსაფრთოხებისა და სამოქალაქო თავდაცვის შესახებ. აცხადებენ „დოქტრინის“ ექსპერტები. მათი თქმით, აზერბაიჯანი და ნატო საზღვრის უსაფრთხოების, კიბერშეტევის, სპეცოპერაციებისა და უკანონო მიგრაციის შესახებ თანამშრომლობის საკითხს განიხილავენ. ამ მიმართულებით ჩრდილო ატლანტიკურმა ალიანსმა აზერბაიჯანულ სტრუქტურებს მხარდაჭერა აღმოუჩინა. 2002 წელს, პრაღის ნატოს სამიტზე მიღებული სამოქმედო გეგმის ფარგლებში, აზერბაიჯანი ტერორიზმის წინააღმდეგ ბრძოლაში აქტიურად ჩართულია. ნატოსა და აზერბაიჯანის მიმდინარე მოლაპარაკებები ენერგოპროექტების დაცვას ეხება. 15 თებერვალს ნატოს შტაბბინაში ილხამ ალიევსა და ალიანსის გენერალურ მდივნის ადერს ფოგ რასმუსენის ბრიფინგი ადასტურებს, ენერგოპროექტების დაცვის სფეროში ნატოსა და ბაქოს შორის მნიშვნელოვან თანამშრომლობას.

 

უფრო დეტალურად იხილეთ http://www.milaz.info/ru/news.php?id=27212

 

ირანი აზერბაიჯანს მოსადთან თანამშრომლობაში ადანაშაულებს

ირანის საგარეო საქმეთა მინისტრმა თეირანში აზერბაიჯანის ელჩი საპროტესტო ნოტის გადასაცემად დაიბარა. ირანული მხარის მტკიცებით, ისრაელის დაზვერვა ნავთობით მდიდარ აზერბაიჯანში აქტიურობს. ირანის საგარეო საქმეთა სამინისტროს თანამეგობრობისა და კავკასიის დეპარტამენტის ხელმძღვანელმა აზერბაიჯანის ელჩს, კავანსირ ახუნდოვს საპროტესტო ნოტა გადასცა. ირანი აზერბაიჯანს სიონისტურ დაზვერვის ქსელებთან თანამშრომლობაში და სხვადასხვა პირების თელ-ავივში გამგზავრებაში ადანაშაულებს. ირანის მთავრობა აზერბაიჯანში მოსადის ჯაშუშების საქმიანობის შეწყვეტას ითხოვს. ისრაელთან აზერბაიჯანის კავშირში დადანაშაულება დასავლეთისთვის შოკი აღმოჩნდა. აზერბაიჯანის მთავარობა კი აცხადებს, რომ ერთი თვის წინ ბაქოში ისრაელის საელჩოზე დაგეგმილი ტერაქტი აღკვეთა, ტერორისტების უკან ირანი დგას. აცხადებს ოფიციალური ბაქო.

 

http://www.bloomberg.com/news/2012-02-13/iran-protests-azerbaijan-s-alleged-ties-to-mossad-isna-reports.html

 

ამერიკელი სენატორები ირანის მიმართ ძალის გამოყენებას მოითხოვენ

კობა ლიკლიკაძე

შეერთებული შტატების ხელისუფლების წარმომადგენლები ვარაუდობენ, რომ ირანს დაახლოებით ერთ წელიწადში ბირთვული იარაღი ექნება, თუკი იგი გააგრძელებს არჩეული გზით სიარულს. ამერიკის სამხედრო დაზვერვის მაღალჩინოსნის ინფორმაციით, გაერთიანებული ერების ორგანიზაციის უშიშროების საბჭო, სავარაუდოდ, მხარს დაუჭერს ირანის წინააღმდეგ მკაცრ სანქციებს, რუსეთისა და ჩინეთის მხარდაჭერის შემთხვევაში.

14 აპრილს, შეერთებული შტატების სენატში გამართული მოსმენების დროს, სამხედრო დაზვერვის სააგენტოს დირექტორს გენერალ რონალდ ბერჯესს დაუსვეს შეკითხვა, რა დრო დასჭირდება ირანს იმისათვის, რომ შექმნას თუნდაც ერთი ბირთვული იარაღი, თუკი ამას საჭიროდ ჩათვლისო.

„სერ, მიუხედავად იმისა, რომ ჩვენ არ ვიცით ზუსტი ციფრი ცენტრიფუგებისა, საერთო კონსენსუსის თანახმად, ლაპარაკია ერთ წელიწადზე.“